გოგოლაური

ენციკლოპედია "საქართველო" - ი. აბაშიძის სახელობის მთავარი სამეცნიერო რედაქცია გვერდიდან
გადასვლა: ნავიგაცია, ძიება

ყიზილბაში დამპყრობლების წინააღმდეგ მებრძოლი კახეთის 1660 სახალხო აჯანყების გმირი. ხალხ. საისტორიო პოეზიის მიხედვით, გ. ფშაველთა რაზმის მეთაური ყოფილა. მონაწილეობდა კახეთში ჩამოსახლებული თურქმანებისაგან ბახტრიონის ციხის განთავისუფლებასა (იხ. ბახტრიონის ბრძოლა 1660 ) და ალვანის ველზე გამართულ ბრძოლაში, რ-იც აჯანყებულთა გამარჯვებით დამთავრდა. გ. ჯამბურია.



გოგოლაური

გურამ ზაქარიას ძე (დ. 15. IV. 1944, სოფ. მანავი, ახლანდ. საგარეჯოს მუნიციპალიტეტი), სპორტსმენი (ძიუდო). საქართვ. სპორტის დამს. ოსტატი (1974). 1976 დაამთავრა საქართვ. პოლიტექ. ინ-ტი, არმიის სპორტ. კლუბი (თბილისი). სსრკ ნაკრები გუნდის წევრი (1970–77). ევრ. სამგზის (1972, 1973, 1974) ჩემპიონი გუნდურ შეჯიბრებაში, ორგზის ვერცხლისა (1971, 1972) და ბრინჯაოს (1973) მედალოსანი, მიუნხენის (1972) ოლიმპიური თამაშების მონაწილე (V ადგილი), სსრკ ხალხთა V სპარტაკიადის ჩემპიონი სამბოში (1971). თბილ. ნაკრებ გუნდთან ერთად 1976 გახდა სსრკ თასის მფლობელი. ნ. გუგუშვილი.