თვალთვაძე

ენციკლოპედია "საქართველო" - ი. აბაშიძის სახელობის მთავარი სამეცნიერო რედაქცია გვერდიდან
გადასვლა: ნავიგაცია, ძიება

გური კალისტრატეს ძე [12 (25). X. 1907, წალენჯიხა, – 8. II. 1970, თბილისი], გეოფიზიკოსი. ფიზიკა-მათ. მეცნ. დოქტორი (1961), პროფესორი (1963), საქართვ. მეცნ. დამს. მოღვაწე (1967). 1930 დაამთავრა თსუ-ის ფიზიკა-მათ. ფაკ-ტი. 1934-იდან ხელმძღვანელობდა საქართვ. მეცნ. აკად. გეოფიზიკის ინ-ტში თავისსავე დაარსებულ სეისმომეტრიის განყოფილებას. თ. სასარგებლო წიაღისეულის სეისმომეტრიული მეთოდით ძიების ფუძემდებელია საქართველოში. მისი შრომები ეხება კავკასიაში დედამიწის ქერქის აგებულებისა და ფიზ. თვისებების შესწავლის საკითხებს. ეწეოდა პედ. მოღვაწეობას საქართვ. უმაღლეს სასწავლებლებში (1945–70), იყო საქართვ. ზოოვეტერინალური ინ-ტის ფიზ. კათედრის გამგე (1939–56). მიღებული აქვს სახელმწ. ჯილდოები.თხზ.: Строение земной коры Грузии по сейсмическим данным и построение системы теоретических годографов, Тб., 1960; Глубинное строение Восточной Грузии по сейсмическим данным, Тб., 1973 (თანაავტ.: М. С. Иоселиани, Р. К. Махарадзе, В. К. Чичинадзе).ლიტ.: ბალავაძე ბ., იოსელიანი მ., გური კალისტრატეს ძე თვალთვაძე, თბ., 1977. მ. იოსელიანი.