კავკასიური მდინარის ღორჯო

კავკასიური მდინარის ღორჯო (Neogobius Ponticola constructor, Nordmann, 1840 - Caucasian river goby), თევზი ღორჯოსებრთა ოჯახიდან. გავრცელებულია აზერბაიჯანისა და დაღესტნის წყლებში, კასპიის ­ზღვის სამხრ. სანაპი­როს მდინარეებში, მდ. ყუბანსა და სხვ. სა­ქარ­თვე­ლოს მდინარეებში გვხვდე­ბა თითქმის ყველგან, ასევე გავრცელებულია ზოგიერთ ტბასა და წყალსაცავში. სიგრ­ძე – 20 სმ, მასა – 35 გ. სქესობრივ სიმწიფეს აღწევს 2–3 წლის ასაკში. ტოფობს მაის-ივნისში. ნაყოფიერება აღწევს 400–1000 ქვირითს. უმეტესად ბინადრობს ჩქარი დი­ნების მდინარეებში, ირჩევს ქვა­ქვიშიან ბიოტოპებს. იკვებება წვრი­ლი თევზებით, ბენთოსური ორ­განიზმებით, ნაწილობრივ – წყალმცე­ნარეებით. სამეურნეო მნიშვნელობა არ აქვს. საჭიროებს ზრუნვას.

ნ. ნინუა