კავკასიური ცაცხვი

კავკასიური ცაცხვი (Tilia caucasica, Rupr), ფოთოლმცვენი, 35 მ-მდე სიმაღლის ხე. ხის ვარჯის დია­მეტრი აღწევს 2 მ, აქვს თხელი, მსკდო­მარე ქერქი. ფოთლები მორიგეობითია, გრძელყუნწიანი, დაკბილული, ზედა მხრიდან – მწვა­ნე, შიშველი, ქვედა მხრიდან – ნაცარა, ხშირად შებუსული; ყვავილები არომატულია, მოყვითალო-თეთრი, შეკრებილია ფარისებრ ნახევარქოლგა ყვავილედში. გავრცელებულია კავკასიისა და ყირიმის ტყეებში, მცირე აზიის ჩრდ.-აღმ-ის მთიანეთში. ცოცხლობს 300 წლამდე. შეტანილია „სა­ქარ­თვე­ლოს წითელ ნუსხაში".