კარჩხანა

კარჩხანა, კარასი (Carassius cara­ssius, Linnaeus, 1758), თევზი კობ­რისებრთა ოჯახიდან (Cyprinidae Fleming, 1822), კარჩხა­ნების გვარისა (Carassius Jarocki, 1822). მაქსიმა­ლური სიგრ­ძე – 45 სმ, მასა – 1–3 კგ. ბინადრობს მტკნარ და მარილიან წყლებში. სქესობრივად მწიფდება 4 წლის ასაკიდან. ნაყოფიერება 300000 ქვირითია, ტოფობს მრავალჯერ.

ახალგაზრდა თაობა იკვებება პლანქტონით, მოზარდი კ-ები – მცენარეული და ცხოველური საკვებით. გავრცელებულია ევროპაში, ინტროდუცირებულია მრავალ ქვეყანაში, მ. შ. სა­ქარ­თველო­შიც. უარყოფით ზეგავლენას ახდენს წყლის ეკოსისტემებზე (თევზების კონკურენცია კვებისა და გამრავლების ადგილებში). მცირე სარეწაო მნიშვნელობისაა. ბუნების დაცვის საერთაშ. კავშირის (IUCN) მხრიდან საჭიროებს ზრუნვას (LC).

ლიტ.: ნ ი ნ უ ა  ნ., ჯ ა ფ ო ­შ ვ ი ­ლ ი  ბ., ბ ო ჭ ო რ ი ­შ ვ ი ­ლ ი  ვ., სა­ქარ­თვე­ლოს თევზები, თბ., 2013.

ნ. ნინუა