კატალპა
კატალპა (Catalpa), მცენარეთა გვარი ბიგნონიასებრთა ოჯახისა. ფოთოლმცვივანი ხეებია. ცნობილია 11 სახეობა. მათ სამშობლოდ ითვლება ჩრდ. ამერიკა და აღმ. აზია. კულტივირებულია საქართვ. ბევრ რაიონში. ამრავლებენ თესლით, კალმით და ფესვის ამონაყარით. კარგად ხარობს მსუბუქტენიან ნიადაგებზე. სინათლის მოყვარულია. აქვს მსუბუქი და რბილი მერქანი, რ-იც ძნელად ლპება. დეკორატიული მცენარეებია.
