კაჭკაჭი

კაჭკაჭი (Pica pica), ფრინველი ბეღურასნაირთა რიგისა, ყორნისებრთა ოჯახისა. სხეულის სიგრ­ძე 45–48 სმ, მასა 250 გ. ფერად შავთეთრია; აქვს გრძელი, საფეხურისებრი ბოლო. გავრცელებულია ევროპაში, აზიაში, ჩრდ. აფრიკაში, ჩრდ. ამერიკაში. სა­ქარ­თველო­ში თითქმის ყველგან გვხვდე­ბა კ-ის ქვესახეობა – აღმოსავლეთევროპული კ. (Pica pica fennorum). აღმ. სა­ქარ­თვე­ლო­ში იგი მობინადრეა, დას. სა­ქარ­თვე­ლოს ზოგ ადგილას – მოზამთრე. ბინა­დრობს ბუჩქნარებსა და ტყის­პირებში, ჭალებში; ბუდეს იკე­თებს ხეზე. საზრდოობს მცენარეული და ცხოველური საკვებით. ანა­დგურებს მავნე მწერებს. ბოლო წლებში შეიმჩნევა მათი რიცხოვნობის ზრდა.