ალგეთი

ალგეთი, მდინარე აღმოსავლეთ საქართველოში, თეთრი წყაროსა და მარნეულის მუნიციპალიტეტებში.

მტკვრის მარჯვ. შენაკადი (ერთვის სოფ. ქეშალოს მახლობლად). სიგრძე 118 კმ, აუზის ფართ. 763 კმ². სათავეს იღებს თრიალეთის ქედის სამხრ. კალთაზე, კლდეკარის მახლობლად, 1900 მ სიმაღლეზე. ზემოწელში მოედინება სამხრ.-აღმ-კენ ღრმა, ტყიან, ხოლო სოფ. ტბისიდან – ვიწრო, კლდოვან ხეობაში, მარნეულთან გამოდის ვაკეზე. საზრდოობს წვიმის, თოვლისა და მიწისქვეშა წყლით. წლ. ჩამონადენის დაახლ. 45%-ს შეადგენს წვიმის, 25%-ს – თოვლის, 30%-ს – მიწისქვეშა წყალი. წყალდიდობა იცის გაზაფხულზე და ზაფხულის დამდეგს, წლის სხვა დროს წყალმცირეა. ჩამონადენის მინიმუმი ოქტომბერშია, გაზაფხულზე მოდის წლ. ჩამონადენის 48,1%, ზაფხულზე – 32,4%, ზამთარზე – 11,6%, შემოდგომაზე – 7,9%. ა-ზეა წყალსაცავი, რ-საც იყენებენ სარწყავად.

ა-ის ხეობაში არის ამავე სახელწოდების ნაკრძალი და ლითოგრაფიული ქვის საბადო.

ი. აფხაზავა