გარეჯის სერი, უდაბნოს ქედი, დაბალი სუბგანედური ქედი (სერი) საგარეჯოს მუნიციპალიტეტში, ივრის ზეგანზე. სიგრძე 10–11 კმ, უმაღლესი წერტილი მთა უდაბნო (879 მ). ანტიკლინური ასიმეტრიული ქედია, ჩრდ. კალთა ციცაბოა, ზოგან ფლატეებიანი, სამხრ. – შედარებით დამრეცი. აგებულია ნეოგენური (მეოტური და პონტური) კონგლომერატებით, ქვიშაქვებითა და თიხნარებით. ჩრდ. კალთა შემოსილია ჯაგეკლიანი ბუჩქნარით. ქედის კალთაზე დგას ქართ. ხუროთმოძღვრების ძეგლი – დავითგარეჯა|დავითგარეჯის სამონასტრო კომპლექსის უდაბნოს მონასტერი.
მ. უთმელიძე