გელაძე თინათინ შალვას ასული (დ. 1. VII. 1921, თბილისი), ნევროპათოლოგი. მედ. მეცნ. დოქტორი (1972), პროფესორი (1977), საქართვ. მეცნ. დამს. მოღვაწე (1981).
1942 დაამთავრა თბილ. სახელმწ. სამედ. ინ-ტი და იმავე წელს დაიწყო მუშაობა ექიმთა დახელოვნების თბილ. ინ-ტის ნერვულ სნეულებათა კლინიკაში, სადაც 1947–58 იყო კლინიკური ელექტროფიზიოლ. ლაბორ. ხელმძღვანელი. 1958-იდან მუშაობდა კლინიკური და ექსპერ. ნევროლოგიის ინ-ტში. 1968–84 ხელმძღვანელობდა კლინიკური ელექტროფიზიოლ. ლაბორატორიას, 1984-იდან იყო რესპ. სამეცნ.-პრაქტ. ეპილეპტოლოგიური ცენტრის ხელმძღვანელი. გ. შეისწავლიდა ეპილეფსიის ეტიოლოგიას, პათოგენეზს, კლინიკასა და მკურნალობას. 1982 ეპილეფსიის პრობლემის შესწავლაში დიდი ღვაწლისათვის მიენიჭა საქართვ. სახელმწ. პრემია. 1994 აირჩიეს საქართვ. სამედ.-ბიოლ. მეცნ. აკად. წევრად.
თხზ.: Эпилепсия, М., 1977 (თანაავტ. П. М. Сараджишвили); Принцип монотерапии при эпилепсии, კრ.: Клиника и лечение эпилепсии. Сборник научных трудов Ин-та клинической и экспериментальной неврологии им. Акад. П. М. Сараджишвили, Тб., 1986; Некоторые проблематичные вопросы медикаментозного лечения эпилепсии, Саранск, 1987.