კახიანი ზაალ ნიკოლოზის ძე

კახიანი ზაალ ნიკოლოზის ძე (5. VII. 1927, სოფ. როკითი, ახლანდ. ბაღდათის მუნიციპალიტეტი, – 31. X. 2000, თბილისი), ქირურგი. მედ. მეცნ. დოქტორი (1967), პროფესორი (1968), სა­ქართვ. მეცნ. დამს. მოღვაწე (1980). სა­ქართვ. სა­ხელმწ. (1980) და ზაზა ფანასკერტელ-ციცი­შვი­ლის (1991) სახ. პრემიების ლაურეატი, სა­ქართვ. სამედიცინო მეცნ. აკადემიის პირველი პრეზიდენტი (1994).

1951 დაამთავრა თსსი. 1954– 60 იყო თბილისის ექიმთა დახელოვნების ინ-ტის სამეცნ. საბჭოს მდივანი, შემდეგ – დეკანი, 1967– 2000 – ამავე ინ-ტის გა­დაუდებელი ქირურგიის კა­თე­დრის გამგე, 1989–98 – რექტორი, 1962–72 – სა­ქართვ. ჯანდაცვის მინისტრის პირველი მო­ად­გი­ლე.

კ. იკვლევდა მუცლის ღრუს ქირურგ. და ონკოლოგიის, პორტალური ჰიპერტენზიისა და სხვ. საკითხებს.

კ. მრავალი სამეცნ. შრომის, მ. შ. 36 მონოგრაფიის, 5 გამოგონების და 4 რაციონალიზატორული წინადადების ავტორია. იყო სა­ქართვ. სამეცნ.-სამედ. საბჭოს პრეზიდიუმისა და თბილ. გ. მუხაძის სახ. ქირურგიული საზბების თავ-რე, ევროპის იმპლანტოლოგთა აკადემიის საპატიო წევრი (1991).

კ. შეყვანილია კემბრიჯის უნ-ტის მიერ გამოცემულ მონოგრაფიაში „საერთაშორისო აღიარების ლიდერები" (1997), დაჯილდოებუ­ლია ნ. პიროგოვის სახ. მედლით „ჰუმანური მოღვაწეობისათვის" (1990) და სხვ.

მიღებული აქვს სა­ხელმწ. ჯილდოები, მ. შ. ღირსების ორდენი (1998), თბილისის საპატიო მოქალაქე (2000).

თხზ.: საუბრები ახალგაზრდა ქირურგებთან, თბ., 1989; გადაუდებელი ქირურგიული უროლოგია, თბ., 1973 (თანაავტ.: ო. ჩხაიძე, კ. გოგელიანი); ჩაჭედილი თიაქრები, თბ., 1975 (თანაავტ. ა. გოგიბერიძე); სისხლძარღვთა მაობლიტირებელი დაავადებანი, თბ., 1975.