ინწკირველი გიორგი (გივი) ზაქარიას ძე

 

ინწკირველი გიორგი (გივი) ზაქარიას ძე (8. III. 1926, თბილისი, – 19. VII. 2004, იქვე), იურისტი, პოლიტოლოგი. სა­ქართვ. მეცნ. აკად. წ.-კორ. (1997). იურიდ. მეცნ. დოქტორი (1965), პროფესორი (1966), სა­ქართვ. მეცნ. დამს. მოღვაწე (1986).

დაამთავრა თსუ-ის იურიდ. ფაკ-ტი (1948). 1951-იდან მოღვაწეობდა თსუ-ში, იყო იურიდ. ფაკ-ტის დეკანი (1952–66 და 1989–98), სამართ. თეორიისა და კონსტ. სამართ. კა­თედ­რის გამგე (1964–2004).

ი-ის ძირითადი შრომები ეხება სა­ხელმწ. და სამართ. ზო­გა­დი თეორიის, პოლიტ. მოძღვრებათა ისტორიის, დემოკრატიისა და კონსტ. სამართ. პრობლემებს.

ი. ხელმძღვანელობდა თსუ-ის სტრუქტურაში არ­სებუ­ლი სამართალშემოქმედებითი საქმიანობის სამეცნ.-საკოორდინაციო საბჭოს. იყო სა­ქართვ. საკონსტიტუციო სა­მართ. სამეცნ.-საკონსულტაციო საბჭოს თავ-რე; მსოფლიო იურისტთა ასოციაციის საპატიო წევრი (1998); უმაღლესი სკოლის მეც­ნი­ე­რე­ბა­თა საერთაშ. აკად. ნამდვ. წევრი (1994) და სხვ. 1993 სა­ქართვ. პარლამენტმა აირჩია სა­ხელმწ. საკონსტიტუციო კომისიის წევრად და ამ კომისიის თავ-რის მოადგილედ.

მიღებული აქვს სა­ხელმწ. ჯილდოები. მ.შ. ღირსების ორდენი (1996) და ვახტანგ გორგასლის II ხარისხის ორდენი (2001). თბილ. საპატიო მოქალაქე (2002).

თხზ.: კანონი და პიროვნება, თბ., 1974; სამართალმცოდნეობა, თბ., 1992 (თანაავტ. და რედ.); სა­ხელმ­წი­ფოსა და სამართლის ზო­გა­დი თეორია, თბ., 2011.