გომართელი ნინო ნიკოლოზის ასული

გომართელი ნინო ნიკოლოზის ასული (დ. 24. I. 1953, თბილისი), ისტორიკოსი. ისტ. მეცნ. დოქტორი (2002), პროფესორი (2004). 1975 დაამთავრა თსუ-ის ისტორიის ფაკ-ტი. 1978–2006 მუშაობდა თბილისის ს.-ს. ორბელიანის სახ. პედაგოგიურ უნ-ტში სხვადასხვა თანამდებობაზე, 2006–09 კი – ი. ჭავჭავაძის სახ. სახელმწ. უნ-ტში. 2009-იდან საქართვ. ტექნიკური უნ-ტის საქართველოს ისტორიისა და ქართ. კულტ. მიმართულების სრული პროფესორია. გამოქვეყნებული აქვს მრავალი სამეცნ. ნაშრომი, მ. შ. სამი სახელმძღვანელო და სამი მონოგრაფია.