კობახიძე ვასილ (ვასო)

კობახიძე ვასილ (ვასო) (1893–1976), მომღერალი, ლოტბარი, მოცეკვავე, ხელოვნების დამს. მოღვაწე (1966). ცხრამეტი წლიდან მღეროდა თავდაპირველად მ. კავსაძის, შემდეგ კი – მ. თარხნიშვილის გუნდში. 1927 ჩამოაყალიბა რაჭა-ლეჩხუმის ეთნოგრ. გუნდი, რ-იც წარმატებით გამოდიოდა რესპუბლიკურ ოლიმპიადებზე და რეპერტუარის ორიგინალობისა და საფერხულო სიმღერების დახვეწილი შესრულების გამო არაერთი ჯილდო დაიმსახურა. ხანგრძლივად მოღვაწეობდა რუსთავში, სადაც ხელმძღვანელობდა მეტალურგიული ქ-ნის მომღერალთა გუნდს.

ლიტ.: გეგეჭკორი ლ., ხალხური სიმღერის მოამაგენი, თბ., 2007.