მთიულეთის ქედი

მთიულეთის ქედი, კავკასიონის მთავარი წყალგამყოფი ქედის სამხრეთი ტოტი, მდ-ების - მთიულეთის არაგვისა და გუდამაყრის არაგვის წყალგამყოფი. იწყება კავკასიონზე მწვ. შირიმთან და მთავრდება ზემოაღნიშნული მდ-ების შესაყართან. აგებულია იურული და ცარცული ასაკის ფლიშური ნალექებით. სამხრ.-დას. კალთა ძლიერ დანაწევრებულია და ფართო, ჩრდ.-აღმ. - ვიწრო. მოგლუვებულ თხემზე აღმართულია მწვერვალები: მთაწმინდა (2759 მ), ჭალისთავი (2750 მ), საბადლო (2802 მ) და წიფორი (2577 მ). კალთები შემოსილია შერეული ფართოფოთლოვანი (ზოგან ფიჭვნარი) ტყით, თხემური ზონა - სუბალპ. და ალპ. მდელოებით.

 დ. უკლება