მრგვალი ქანდაკება

მრგვალი ქანდაკება, სამგანზომილებიანი მოცულობისა და სივრცეში დამოუკიდებელი პლასტიკური მატერიალური მთლიანობის მქონე ქანდაკება. ბარელიეფისაგან განსხვავებით ფონთან სიბრტყობრივ ერთიანობას არ ქმნის. მ. ქ-ის ძირითადი სახეებია: სტატუა, სკულპტურული ჯგუფი (აზრობრივად და კომპოზიციურად ერთი მხატვრული მთლიანობის მქონე 2 ან რამდენიმე გამოსახულება), ბიუსტი, ტორსი. მ. ქ. გამიზნულია როგორც ერთი, ისე რამდენიმე მხედველობითი კუთხისათვის, აგრეთვე წრიული დათვალიერებისათვის, რ-ის დროსაც ნაწარმოების მხატვრულ-ესთეტ. შინაარსი იხსნება სხვადასხვა ურთიერთშემავსებელ ასპექტში. მ. ქ. საქართველოში დამოუკიდებელ დარგად მხოლოდ XIX ს-იდან განვითარდა.

იხ. აგრეთვე სტატია ქანდაკება.