გრიგოლ აპირატის ძე

გრიგოლ აპირატის ძე, ანისის გამგებელი (XII ს.), როგორც ჩანს, მამის – აპირატის – შემდეგ. გ. ა. მონაწილეობდა დემნა-ორბელთა აჯანყებაში (იხ. ორბელთა აჯანყება 1177–78 ). იგი თავდაპირველად აჯანყებულთა მხარეზე იყო, მაგრამ გიორგი III-ის გაძლიერების გამო სხვა აჯანყებულებთან ერთად ისიც მეფეს მიემხრო.

წყარო: სტეფანოზ ორბელიანის „ცხოვრება ორბელიანთა"-ს ძველი ქართული თარგმანები. ქართ.-სომხ. ტექსტები, ე. ცაგარეიშვილის გამოც., თბ., 1978.

ლიტ.: მ ე ტ რ ე ვ ე ლ ი  რ., შინაკლასობრივი ბრძოლა ფეოდალურ საქართველოში (XII საუკუნე), თბ., 1973; ჯავახიშვილი ივ., ქართველი ერის ისტორია, წგ. 2, თბ., 1983 (თხზ. თორმეტ ტომად, ტ. 2).

მ. ზალდასტანიშვილი