გაგიდა

1) გაგიდა, მდინარე გალის მუნიციპალიტეტში (აფხაზეთის არ), სამურზაყანოს დაბლობზე. სიგრძე 6,3 კმ, აუზის ფართ. 270 კმ². წარმოიქმნება მდ-ების ხუმუშქურისა და კირის შეერთებით. ერთვის შავ ზღვას სოფ. გაგიდასთან. საზრდოობს წვიმისა და მიწისქვეშა წყლით. მთავარი შენაკადებია: მარჯვ. – ოჯოღორე, მარცხ. – ოკვინორე.

2) გაგიდა, სოფელი გალის მუნიციპალიტეტის განახლების თემში (აფხაზეთის არ), შავი ზღვის ნაპირას, სამურზაყანოს დაბლობზე, მდ. გაგიდის მარცხ. ნაპირას. ზ. დ. 5 მ, გალიდან 30 კმ.

სოფელი აღნიშნულია იტალ. მისიონერის არქანჯელო ლამბერტის მიერ 1654 შედგენილ რუკაზე, ამ დროს იგი ოდიშის (სამეგრელოს) სამთავროში შედიოდა, XVIII ს. დასაწყისიდან შევიდა სამურზაყანოში.

გ. ამჟამად ოკუპირებულ ტერიტორიზეა.