"კაუკაზიშე პოსტი"

ენციკლოპედია "საქართველო" - ი. აბაშიძის სახელობის მთავარი სამეცნიერო რედაქცია გვერდიდან
23:22, 7 ნოემბერი 2019-ის ვერსია, Admin (განხილვა | წვლილი) (ახალი გვერდი: ("Kaukasische Post" – "კავკასიის ფოსტა"), ყოველკვირეული გაზეთი, გამოდიოდა...)
(განსხ.) ←წინა ვერსია | მიმდინარე ვერსია (განსხ.) | შემდეგი ვერსია→ (განსხ.)
Jump to navigation Jump to search

("Kaukasische Post" – "კავკასიის ფოსტა"), ყოველკვირეული გაზეთი, გამოდიოდა 1906-იდან თბილისში გერმ. ენაზე. დამაარსებელი და პირველი რედ. – ა. ლაისტი. სხვადა­სხვა დროს მისი გამომცემლები იყვნენ კ. ფონ კუჩენბახი და ი. შლოინინგი.


"კ. პ-ის" ფურცლებზე შუქდებოდა მასალები სა­ქარ­თვე­ლოსა და კავკასიის შე­სა­ხებ. გაზეთი ასახავდა კავკასიის გერმანელთა ყოფას, ქართ. საზ. ცხოვრებას, გერმანელ კოლონისტთა და ქარ­თველ­თა ურთიერთობას.


გაზეთის პირველი ნომერი 1906 წ. 18 ივნისს გამოვიდა. I მსოფლიო ომის დაწყებისას მისი გამოცემა შეწყდა, ხოლო 1918–22 – განახლდა.


"კ. პ-ში" ა. ლაისტმა გამოაქვეყნა ი. ჭავჭავაძისა და ა. წერეთლის ლექსების, აგრეთვე ა. დეკანოზი­შვი­ლის პროზაული მინიატიურის თავისივე თარგმანები.


გაზეთს ჰქონდა სხვა­და­სხვა რუბრიკა: "პოლიტიკური მიმოხილვა", "სხვა­და­სხვა ცნობები", "კოლონიებიდან", "მთელი მსოფლიოდან", "ლიტერატურა და ხელოვნება", "ახა­ლი წიგნები", "მხიარული კუთხე".

ლიტ.: ბ რ ე გ ა ძ ე ლ., მოგზაურობა "კაუკაზიშე პოსტის" ფურცლებზე, თბ., 2010.

თ. დოლიძე.