აგათანგელოსი

ენციკლოპედია "საქართველო" - ი. აბაშიძის სახელობის მთავარი სამეცნიერო რედაქცია გვერდიდან
Jump to navigation Jump to search

აგათანგელოსი, V ს. სომეხი ისტორიკოსი.

თავის „ისტორიაში“ აღწერს სომხეთის გაქრისტიანებას (IV ს. დასაწყ.), სომხეთის ეკლესიის ორგანიზაციას და გადმოსცემს ქრისტიანობის პრინციპებს. თავს აღწერილი ამბების თანამედროვედ აცხადებს, სინამდვილეში კი V ს. II ნახევარში წერდა. საინტერესო ცნობები აქვს ქართ.-სომხური კულტურული და ეკლესიური ურთიერთობის საკითხებზე. მისი წიგნი ძველადვე ითარგმნა ბერძნულად, ქართულად და არაბულად. „ისტორიის“ ძვ. სომხ. ტექსტის გამოცემათაგან საუკეთესოდ ითვლება 1909 თბილისის გამოცემა.

ლიტ.: ჯავახიშვილი ივ., ძველი სომხური საისტორიო მწერლობა, წგ. 1, ტფ., 1935.


ლ. ჯანაშია.