კადენეცი ვასილ ივანეს ძე

კადენეცი ვასილ ივანეს ძე (დ. 3. I. 1938 სოფ. მერხეული, გულრიფშის მუნიციპალიტეტი), საზოგადო მოღვაწე. ­ეკონომიკის მეცნიერებათა დოქტორი.

საშ. სკო­ლა დაამთავრა სოხუმში, შემდეგ სწავლა გააგრძელა საქართვ. სუბტროპიკული მეურნეობის ინ-ტის აგრონომიულ ფაკ-ტზე (დაუსწრებლად).

მუშაობდა სხვადასხვა პარტ. თანამდებობაზე: იყო სა­ქართვ. კომპარტიის სოხუმის რაიონული კომიტეტის მდივანი (1976–77), სა­ქართვ. ალკკ ცკ მდივანი (1977– 80), საქართვ. კომპარტიის სოხუმის რაიონული კომიტეტის პირველი მდივანი (1980–91), აფხ. ასსრის უმაღლესი საბჭოს დეპუტატი (1980–91). 1993–99 კ. მუშაობდა საქართვ. საბაჟო სტრუქტურაში. მინიჭებული აქვს საბაჟო სამსახურის სა­ხელმწ. მრჩევლის წოდება (1996).

1993 დააარსა საზ. ორგანიზაცია „საქართველოს კაზაკთა კავშირი“. არის მისი უმაღლესი ატამანი. დაჯილდოებულია სა­ხელმწ. ჯილდოებით, მ.შ. ვახტანგ გორგასლის III ხარისხის ორდენით.