კადიშევსკი ვლადიმერ გიორგის ძე

კადიშევსკი ვლადიმერ გიორგის ძე (5. V. 1937, მოსკოვი, – 24. IX. 2014, დუბნა, მოსკოვის ოლქი), ფიზიკოს-თეორეტიკოსი. რუსეთის მეცნ. აკად. აკადემიკოსი (2000), აკადემიის პრეზიდიუმის წევრი (2002), სა­ქართვ. მეცნ. ეროვნ. აკად. უც­ხოელი წევრი (2008), ასევე მსოფლიოს მრავალი ქვეყნის მეცნ. აკადემიების წევრი. ფიზიკა-მათ. მეცნ. დოქტორი (1968), პროფესორი (1970).

კ-ის სამეცნ. ინ­ტე­რე­სე­ბის სფერო ძირითადად უკავშირდება ველის კვანტური თეორიის რელატივისტურ ფორმულირებას დაკვანტულ სივრცე-დროში.

1994 კ-ის ინიციატივით დუბნაში გაიხსნა ახ. უნ-ტი. 1995-იდან კ. ამ უნ-ტის პრეზიდენტი იყო.

კ. მჭიდროდ თანამშრომლობდა ქართველ ფიზიკოს-თეორეტიკოსებთან – ა. თავხელიძესთან, ა. ხე­ლაშვილთან, მ. ჩავლეიშვილთან, ფ. ტყებუჩავასთან, ა. კვინიხიძესთან, ვ. გარსევანიშვილთან და სხვებთან. მონა­წილეობდა სა­ქარ­თვე­ლო­ში სამეცნ. კონფერენციებისა და სამეცნ. სკოლების ორგანიზებასა და ჩატარებაში.

კ. დაჯილდოებულია სსრკ, რუსეთის და მსოფლიოს მრავალი ქვეყნის სა­ხელმწ. ჯილდოებით. მიღებული აქვს მრავალი სამეცნ. პრემია, მეცნ. აკადემიების საერთაშ. ასოციაციის ოქროს მე­და­ლი (2012).

თხზ.: Представление для релятивистской амплитуды рассеяния при высоких энергиях, ТМФ, 1971, т. 7, №2 (თანაავტ.: В. Р. Гарсеванишвили, Р. М. Мир-Касимов, Н. Б. Скачков); On new geometrical concept of local quantum field, «Труды МИАН», 2011, т. 272.