კავალი მარინო

კავალი (Cavalli) მარინო, XVI ს. ვენეციელი დიპლომატი. ელჩი „საღვთო რომის“ იმპერატორთან საფრანგეთში (1543), კონსტანტინოპოლში (1560), რომში (1566). იგი თავისი დიპლომატიური საქ­მიანობის შე­სა­ხებ ვენეციის სენატ­ში პერიოდულად წარადგენდა „რელაციებს“, რ-ებიც დღეს უმნიშვ­ნე­ლო­ვანეს ისტორიულ წყაროს წარმოადგენს. მან დაგვიტოვა საინტერესო ცნობა ოდიშის მთავარ ლევან I დადიანის კონსტანტინოპოლში მოგზაურობის შე­სახებ (დაახლ. 1557), რ-მაც სულთანს დახმარება სთხოვა იმერეთის მეფის გიორგისა და გიორგი გურიელის კოალიციის წინააღმდეგ. სულთანმა მას 9 ხომალდი აჩუქა, მისცა დამხმარე ჯარი და ისე გამოისტუმრა.

ლიტ.: მ ა მ ი ს თ ვ ა ლ ი ­შ ვ ი ­ლ ი  ე., სა­ქარ­თვე­ლოს საგარეო პოლიტიკური ურთიერთობანი XV საუკუნის მეორე ნახევარსა და XVI საუკუნეში (ევროპული წყაროების მიხედვით), თბ., 1981.

ე. მამისთვალი­შვი­ლი