კავენიაკი ეჟენ

კავენიაკი (Cavaignac) ეჟენ (19. VIII. 1876 – 11. I. 1969, პარიზი), ფრანგი ისტორიკოსი, ხეთოლოგი. სტრასბურგის უნ-ტისა და პარიზის კათოლიკური ინ-ტის ძვ. ისტორიის პროფესორი. კ. ავტორია ძვ. სამყაროს ისტორიის შე­სა­ხებ მრავალრიცხოვანი შრომებისა, ასევე იყო მრავალტომეული გამოცემის, „მსოფლიოს ისტორიის“ („Histoire du monde“ ვ. 1–8, P., 1924–48) მთ. რედაქტორი. ამ გამოცემაში ძველი ისტორიისადმი მიძღვნილი ზოგიერთი ტომი უშუალოდ კ-ს ეკუთვნის. მას ძვ. წ. XII ს. ზემო მესოპოტამიაში გამოჩენილი მუშქები ისტ. სა­ქარ­თვე­ლოს სამხრ.- დას. ოლქებიდან ჩამოსულებად მიაჩნდა.

ლიტ.: სა­ქარ­თვე­ლოს ისტორიის ნა­რკვე­ვები, ტ. 1, თბ., 1970.