"კავკაზსკი კალენდარ"

წელიწდეული, რ-საც გამოსცემდა კავკასიის მეფისნაცვლის კანცელარია 1846–1917. ყოველი მომდევნო წლის კალენდარი დათარიღებული იყო წინა წლით. რედაქტორობდნენ მეფისნაცვლის კანცელარიის პასუხისმგებელი მოხელეები. „კ. კ-ში“ იბეჭდებოდა საერთო კალენდარული მონაცემები, ჩინოვ­ნიკების, სა­ხელმწ. დაწესებულებებისა და ორგანიზაციების მი­სამართები, მეტეოროლ. და სტატისტ. ცნობები, სტატიები კავკა­სიისმცოდნეობის საკითხებზე, მთავრობის ზოგიერთი დადგენილება და ა. შ. ამას გარდა, „კ. კ-ში“ გამოქვეყნდა საინტერესო სტატისტ. მასალა ამიერკავკ. ქალაქებსა და მათ მოსახლეობაზე, ქრონოლოგიური ცხრილები, ბიბლიოგრაფიული ცნობარები, ­საგზაო ტარიფები, მეტროლოგიური ცხრილები, ნარკვევები ეკონ. საკითხებზე და სხვ.

როგორც ოფიც. გამოცემა, „კ. კ.“ ეწეოდა მეფის მთავრო­ბის ღონისძიებათა პოპულარიზაციას, ამარ­თლებდა ­ცარიზმის კოლონ. პო­ლიტიკას.

შ. ხანთაძე.