კავკასიელთა ჯგუფი

კავკასიელთა ჯგუფი, რევოლუციურ-ხალხოსნური ორგანიზაცია. შეიქმნა 1874 შვეიცარიაში. ჯგუფის წევრები იყვნენ ი. ჯაბადარი (ხელმძღვანელი), მ. ჩიკოიძე, დ. გურამი­შვი­ლი, ა. ­ელიოზი­შვი­ლი და სხვ. 1874 ზაფხულში მათ მონაწი­ლეობა მიიღეს საზღვარგარეთ არსებული საზ-ბა „უღლის'' ჟენე­ვის გაფართოებულ კონგრესში, შეადგინეს რევ. უმცირესობა, რ-მაც მოითხოვა კავკ. ახალგაზრდე­ბის აქტ. მონაწილეობა რუსეთის სოც. რევოლუციის მომზადებაში. დაგმეს სეპარატისტული თვალსაზრისი რუსეთიდან კავკასიის გამოყოფის შე­სა­ხებ. 1874 შემოდგომაზე თავისივე ინიციატივით კ. ჯ. შეუერთდა ციურიხში არსებულ რუს სტუდენტ ქალთა წრე „ფრიჩს'', რის შედეგადაც საფუძველი ჩაეყარა „სრულიად რუსეთის სოციალურ-რევოლუციურ ორგანიზაციას''. ამ ორგანიზაციასთან ერთად კ. ჯ. რუსეთში გადავიდა სამუშაოდ.

ლიტ.: შ ვ ე ლ ი ძ ე  ზ., ამიერკავკასიელები „სრულიად რუსეთის სოციალურ-რევოლუციურ ორგანიზაციაში“ (1874–76 წწ.), თბ., 1974; მ ი ს ი ვ ე, რევოლუციურ-ხალხოსნური მოძრაობა სა­ქარ­თვე­ლო­ში, თბ., 1960.

ზ. შველიძე