კავკასიის სასწავლო ოლქი

კავკასიის სასწავლო ოლქი, და­არსდა 1848, კავკასიის მეფისნაცვ­ლის, მ. ვორონცოვის ინიციატივით. სა­თა­ვე­ში ედგა სასწავლო ოლქის მზრუნველი. კ. ს. ო. თავდაპირველად შედგებოდა 4 დი­რექციისაგან: თბილისის, ქუთა­ისის, სტავროპოლისა და შავი­ზღვისპირეთის. 1860 მეფისნაცვალმა ა. ბარიატინსკიმ კ. ს. ო. გააუქმა და სკოლების მმართველობა გუბერნიებს გადასცა. ამ ღონისძიებამ არ გაამართლა და 1864 დააარსეს კავკ. სასწ. დაწესებულებების ინსპექცია, ხოლო 1868 კ. ს. ო. აღადგინეს და დააწესეს 6 დირექცია: თბილისის, ქუთაისის, ბაქოს, ერევნის, სტავროპოლისა და ყუბანის.

ელიზავეტოპოლის (განჯის) გუბერნიის სკოლები ემორჩილებოდა თბილ. სასწავლებელთა მმართველობას. 1872, კავკ. სასწავლებელთა მართვის ახ. დებულებით, კ. ს. ო-ის კონტროლს დაექვემდებარა არა მარტო ოფიც., არამედ საზ. და კერძო სკოლებიც, შეიქმნა სამზრუნველო საბჭო. დაწესდა 2 ინსპექტორის შტატი, დამატებით შეიქმნა ელიზავეტოპო­ლის გუბ. სკოლების დირექცია. ად­გილ. სასწ. სისტემა მთლიანად გაუთანაბრდა რუს. იმპერიაში მოქმედ სისტემას. ყველა სასწ. ოლქი, მ. შ., კ. ს. ო. გაუქმდა 1918.

ნ. პაპავა