კავკასიონის მთავარი ქედი

კავკასიონის მთავარი ქედი, კავ­კა­სი­ო­ნის ოროგრაფიული ღერძი, ვრცელ­დე­ბა ტამანის ნახევარკუნძულიდან აფშერონის ნახევარკუნძულამდე. მთათა სისტემის ყველაზე ამაღლებული ნაწილია კავ­კა­სიო­ნის მთავარი წყალ­გამყოფი ქედი, რ-იც ყოფს ჩრდ. კავკასიისა და სამხრ. კავ­კასიის მდინარეთა აუზებს. მდე­ბარეობს მდ. ბელაიას ­(ყუბანის ­მარცხ. შენაკადი) სათავეებსა და ადაი-ხოხის მთათა ჯგუფს შორის.

ქედი აგებულია პალეოზოურპრო­ტეროზოური კრის­ტა­ლუ­რი ქა­ნებით, სხვაგან – ძირითადად მეზოზოური თიხაფიქლებით, ქვიშა­ქვე­ბითა და კირქვებით. საქართვ. ტერიტორიაზე უმაღლესი მწვერვალია შხარა (5068 მ). მნიშვ­ნე­ლო­ვანი უღელტეხილებია: ჯვრის უღელტეხილი, მამისონის უღელტეხილი, ბეჩო, კლუხორის უღელტეხილი, მარუხის უღელტეხილი და სხვ. დამა­ხასიათებელია მთა-ტყის, სუბალპ., ალპ. და გლაციალურ-ნივალური ლანდშაფტები. იხ. აგრეთვე კავ­კა­სი­ო­ნი.

ლ. მარუა­შვი­ლი