კავკასიური აპოლონი

კავკასიური აპოლონი (Parnassius apollo caucasicus), პეპელა აფროსნების (Papilionidae) ოჯახიდან. რელიქტური ფაუნის სიცივისმო­ყვარული წარმომადგენელი. ფრთების შლილი 64–86 მმ-ია. საერთო ფონი რძისფერი თეთრია, გარეთა კიდეები ბოლოვდება გამჭვირვალე, ბრტყელი, რუხი არშიით. წინა ფრთებზე რამდენიმე შავი ლაქაა, უკანაზე კი – ორი ალისფერი შავარშიიანი თვალა­კი; ფრთების ძირი და სხეული შავია. მთის ევროპულ-ციმბირულ-კავკასიური სახეობაა. ­სა­ქართვე­ლო­ში გვხვდე­ბა ყველგან – მაღალმთიანეთში. ტიპური ბიოტოპია სუბალპური ტყე, მაღალბალახეუ­ლი ან ალპური მდელოების მშრა­ლი, ქვიანი ან კლდოვანი კალთები. წელიწადში იძლევა ერთ თაობას. დაფრინავს დღი­სით, ივნის-აგვისტოში. კვერცხდება და მატლის კვება მიმდინარეობს კლდისდუმასა და კლდის­ვაშლაზე. იზამთრებს მატლის ფაზაში.

შემცირებადი სახეობაა. შეტა­ნილია „სა­ქარ­თვე­ლოს წითელ ნუსხაში".

ე. დიდმანიძე