კავკასიური გოჭალა

კავკასიური გოჭალა (Barbatula barbatula caucasicus, Berg, 1899), თევ­ზი გოჭალების ოჯახიდან (Balitoridae Swainson, 1839), ულვაშა გო­ჭალების გვარიდან (Barbatula Linck, 1790). კავკასიის ენდემი. ლ. ბერგი და სხვა მეცნიერები მიაკუთვ­ნებენ განსაკუთრებულ ქვესახეობას (1949). მაქსიმალური სიგრ­ძე 9 სმ, მასა – 5 გ. მტკნა­რი წყლის თევზია. ბინადრობს ტბებსა და წყალსაცავებში, შლამიან და ქვა-ქვიშიან ადგილებში. მრავლ­დება ივნისიდან სექტემბრამდე, სქესობრივად მწიფდება 2–4 წლის ასაკში, მისი ნაყოფიერება აღ­წევს 2000–3000 ქვირითს. იკვებება წყალ­მცენარეებით, ბენთოსითა და პლანქ­ტონით. სა­ქარ­თვე­ლო­ში გვხვდე­ბა თითქმის ყველა წყალსაცავსა და მდინარეში.

ლიტ.: ნ ი ნ უ ა  ნ., ჯ ა ფ ო ­შ ვ ი ­ლ ი  ბ., ბ ო ჭ ო რ ი ­შ ვ ი ­ლ ი  ვ., სა­ქარ­თვე­ლოს თევზები, თბ., 2013; Б е р г  Л., Данные по ихтиофауне Кавказа, т. 1, Тфл., 1899; Б о г у ц к а я  Н., Н а с е к а  А., Каталог бесчелюстных и рыб, М., 2004.

ნ. ნინუა