კავკასიური თრია

კავკასიური თრია (Citellus musicus), მღრღნელი ციყვისებრთა ოჯახიდან. სა­ქარ­თვე­ლო­ში გავრცელებულია კავკასიონზე, თერგის სათავეებთან. სხეულის სიგრძე 20–38 სმ აღწევს, ხოლო კუდის სიგრ­ძე სხეულის ზომის ნახევარია. დაფარულია მურა, ნაცრისფერი ბეწვით. უდაბნოს, ველისა და ტყე-ველის ბინადარია, გვხვდე­ბა მთის ლანდშაფტებშიც. აქტიურია მხო­ლოდ 80–100 დღე, დანარჩენ დროს ზამთრის ძილქუშში ატარებს. შობს 3–11 (საშუალოდ 6–8) ნაშიერს. იკვებება მცენარეებით. ერთი თრია წელიწადში 4,5 კგ მარცვლეულს ანადგურებს. გადააქვს ინფექციური დაავადებები. მის ტყავს ბეწვეულის წარმოებაში იყენებენ.