კავკასიური ჯვრიანა

კავკასიური ჯვრიანა (Pelodytes caucasicus), წყალხმელეთა ცხოველი უკუდო ამფიბიების რიგისა. მისი სხეულის სიგრ­ძე 55 მმ აღწევს. წენგოსფერი, მუქკოპლებიანი ზურგი და მოთეთრო მუცელი აქვს. გავრცელებულია კავ­კა­სი­ონის მთის ტყეებში, მცირე კავკასიონზე, ბორჯომის მუნიციპალიტეტის დასავლეთით. იმ ადგილებში, სადაც ნალექები წელიწადში 1000 მმ-ზე ნაკლებია, არ გვხვდე­ბა. ზ. დ. 2300 მ-მდე აღწევს. იკვებება მწერებით, მათი მატლებით და პატარ-პატარა უხერხემლო ცხოველებით. ივნისიდან სექტემბრამდე ყრის ქვირითს ტბორებსა და მდორე მდინარეებში. თავკომბალა მხო­ლოდ მომდევნო წელს ამთავრებს მეტამორფოზს. შეტანილია „სა­ქარ­თვე­ლოს წითელ ნუს­ხაში".

ა. ბუხნიკა­შვი­ლი