კალანდია გენო ვლადიმერის ძე

კალანდია გენო ვლადიმერის ძე (15. IV. 1940, ზუგდიდი, – 15. III. 2017, თბილისი), პოეტი, დრამატურგი. შოთა რუსთაველის სახ. სა­ხელმწ. პრემიის ლაურეატი (2013). აფხაზეთის ომის ვე­ტერანი. 1962–64 სწავლობდა მოსკოვში, ჟურნალისტიკის უმაღლეს კურსებზე, მუ­შა­ობ­და საოლქო გაზ. „საბჭოთა აფხაზეთის" რედაქციაში. 1974-იდან იყო აფხაზეთის თეატრალური საზ-ბის თავ-რე, იმავდროულად – აფხაზეთის მწერალთა კავშირის მდივანი, 1989-იდან – თავ-რე, ალმანახ „რიწის" პ/მგ მდივანი, 2010-იდან – აფხაზეთის ლიტ-რისა და ხელოვნების შემოქმედებითი კავშირის თავ-რე, 2015-იდან – სა­ქართვ. მწერალთა ეროვნ. აკადემიის ვიცე-პრეზიდენტი, აფხაზეთის უმაღლესი საბჭოს წევრი. იყო სა­ქართვ. პარლამენტის მე-2, მე-3, მე-4 მოწვევის დეპუტატი, უგზო-უკვლოდ დაკარგულთა მოძიების საპარლამენტო კომისიის თავ-რე. კ-ს პირველი წიგნი „ცა და ფოთლები" გამოვიდა 1966, პირველი პიესები – „მთვა­რის საათი", „ადგილის დედა", „ძე შეცთომილი" დაიდგა სოხუ­მის სა­ხელმწ. დრამ. თეატრში. ავტორია 30-მდე პოეტური კრებულის და დრამატული პიესისა. კრებულები: „ფესვები" (1990, 2011), „გრაალი და კარიატიდები" (1994), „რეკვიემი" (1999, 2008), „მესამე თვალი" (2002), „ასი ლექსი" (2009), „საგალობლები უფლისათვის" (2014, 2017), „ორტომეული" (2015) და სხვ. მისი ლექსები თარგმნილია რამდენიმე უცხო ენაზე. 1993 დააარსა და წლების განმავლობაში ხელმ­ძღვანე­ლობ­და აფხაზი პოეტის, გ. შერვაშიძის სახ. სა­ხელმწ. პრემიების კომიტეტს. კ-ს მინიჭებული აქვს სა­ქართვ. სა­ხელმწ. პრემია (1994), ასევე გ. შერვაშიძის (2002), ი. ჭავჭავაძის (2003), საგურამოს (2015) ლიტ. პრემიები.

დაჯილდოებულია ღირსების ორ­დენით (1998).

ლიტ.: მესხია ც., გენო კალანდიას პარადიგმების სამყარო, თბ., 2014; ძმები კალანდიები, 3 ტომად, თბ., 2003.