კალმახელიძე ლიანა მიხეილის ასული

კალმახელიძე ლიანა მიხეილის ასული (დ. 25. X.1947, თელავი), მომღერალი (ლირიკულ-კოლორატურული სოპრანო). სა­ქართვ. სახ. არტისტი (1987), სა­ქართვ. სა­ხელმწ. პრემიისა (1992) და მ. გლინკას სახ. მოსკოვის ვოკალისტთა საკავშ. კონკურსის (1975) ლაურეატი. 1973 დაამთავრა თბილ. სა­ხელმწ. კონსერვატორია (პროფ. ი. ფალია­შვი­ლის კლასი).

კ. 1975-იდან თბილ. ოპერისა და ბალეტის თეატრის სოლისტია. წარმატებით ასრულებს ქართ. და კლასიკური საოპერო რეპერტუარის მთავარ პარტიებს, რ-თაგანაც განსაკუთრებით აღსანიშნავია მარიხი (ზ. ფალია­შვი­ლის „აბესალომ და ეთერი"), ქეთო (ვ. დოლიძის „ქეთო და კოტე" და განახლებული დადგმა – ჯ. და ვ. კახიძეების „ბარბალე"), მარგალიტა (ო. თაქთაქი­შვი­ლის „პირველი სიყვარული"), ვიოლეტა, ჯილდა (ჯ. ვერდის „ტრავიატა", „რიგოლეტო"), როზინა (როსინის „სევილიელი დალაქი"), ცერლინა (ვ. ა. მოცარტის „დონ ჟუანი"), მარგარიტა (შ. გუნოს „ფაუსტი") და სხვ. 1976–77 კ-მ სტაჟირება გაიარა იტალიაში, მილანის თეატრ „ლა სკალაში". ეწევა საკონცერტო მოღვაწეობას. წარმატებით გამოდიოდა იტალიის, გერმანიის, თურქეთის, ისრაელის, პოლონეთის და სხვა ქვეყნების ქალაქებში. 2004-იდან კ. თბილ. შოთა რუსთაველის სახ. თეატრალური უნ-ტის პროფესორია. დაჯილდოებულია ღირსების ორდენით (1999).