კამბალა

კამბალა, (Scophthalmus maeoticus, Pallas, 1814); ­ზღვის მარილიანი წყლის ბინადარი მტაცებელი თევზი. მაქსიმალური სიგრ­ძე – 70 სმ, მასა – 9 კგ (იშვიათად 12 კგ). სქესობრივად მწიფდება 6–11 წლის ასაკიდან. მრავლდება მარტ-ივლისში. ქვირითს ყრის პერიოდულად (2–3-ჯერ). უმეტესად იკვებება თევზებით, კიბოსნაირებითა და ­მოლუსკებით. გავრცელებულია შავი ­ზღვის მთელ სანაპიროზე. იშვიათია აზოვის ზღვაში.

სამეურნ. მნიშვნელობის თევზია. დღეისათვის მარაგი ძლიერ შემცირებულია. ბუნების დაცვის საერთაშ. კავშირის (IUCN) მიერ არ არის შეფასებული (NE).

ლიტ.: ნინუა ნ., ჯ ა ფ ო ­შ ვ ი ­ლ ი  ბ., ბ ო ჭ ო რ ი ­შ ვ ი ­ლ ი  ვ., სა­ქარ­თველოს თევზები, თბ., 2013; Богуцкая Н., Насека А., Каталог безчелюстных и рыб, М., 2004; Световедов А., Рыбы Черного моря, М., 1964.

ნ. ნინუა