კამელია

კამელია (Camellia), მარადმწვანე ხეებისა და ბუჩქების გვარი ჩაისებრთა ოჯახისა. მისი 80-ზე მეტი სახეობა გავრცელებულია აზიის ტროპიკებსა და სუბტროპიკებში. იაპონური კ. (C. japonica) და მისი ჰიბრიდული ფორმები კარგად ხარობს ოთახებსა და ორანჟერეებში, კავ­კა­სიასა და სამხრ. ყირიმში კი – ღია გრუნტში. ჩი­ნუ­რი კ-ის, ანუ ჩაის ბუჩქის (C. sinensis და C. assamica) ნორჩი ყლორტებისაგან ამზადებენ ჩაის. ზეთის, ანუ ევგენოლის კ-ის (C. sasanqua) ფოთლებისაგან იღებენ ეთეროვან ზეთს. ­დეკორატიული მცენარეებია. მოშენებულია სა­ქართვ. შავი ­ზღვის სანაპიროს ბაღებსა და პარკებში.