იმედაძე ირაკლი ვლადლენის ძე

იმედაძე ირაკლი ვლადლენის ძე (დ. 2. I. 1952, თბილისი), ფსიქოლოგი. სა­ქართვ. მეცნ. ეროვნ. აკადემიის წ.-კორ. (2009). ფსიქოლ. მეცნ. დოქტორი (1989), პროფესორი (2001).

დაამთავრა თსუ-ის ფილოსოფია-ფსიქოლოგიის ფაკ-ტი ფსიქოლ. სპეციალობით (1973). თსუ-ის პროფესორი (2015). არის სა­ქართვ. გა­ნათ­ლების მეცნ. აკად. და სა­ქართვ. ფილოს. მეცნ. აკად. წევრი. წლების განმავლობაში მუ­შა­ობ­და დ. უზნაძის სახ. ფსიქოლ. ინ-ტში. ხელმძღვანელობდა განწყობის ფსიქოლ. ლაბორატორიას (1985–89), ზო­გადი ფსიქოლ. განყ-ბას (1989–90), ფსიქოლ. ისტ. ლაბორატორიას (1990–2006); იყო ფსიქოლ. ინ-ტის დირექტორი (2006–12), სა­ქართვ. ფსიქოლ. საზ-ბის პრეზიდენტი (1991-იდან). დ. უზნაძის პრემიის ლაურეატი (2005).

ი-ის შრომები ეხება თეორ. ფსიქოლ. სხვა­და­სხვა საკით­ხებს: განწყობის ­ფსიქოლოგიის, ფსიქოლ. ისტორიისა და მე­თოდოლოგიის, ქცევის, მოტი­ვა­ცი­ის, პიროვნებისა და განვითარე­ბის ფსიქოლ. სფეროდან. მასვე ეკუთვნის ქცევის პოლიმოტივაციის ორიგინ. მოდელი. გამოთქმული აქვს მნიშვ­ნე­ლო­ვა­ნი მოსაზრებები განწყობის ზოგადფსიქოლ. თეორიის ანალიზისა და განვითარების შე­სა­ხებ. გამოკვლეული აქვს მსოფლიო ფსიქოლ. აზრის განვითარების ისტორია. ი-ს ეკუთვ­ნის რამ­დე­ნი­მე სახელმძღვა­ნე­ლო, რ-ებითაც მიმ­დი­ნა­რეობს სწავლება სა­ქართვ. უმაღლეს სასწავლებლებ­ში.

თხზ.: ფსიქოლოგიის შესავალი, თბ., 2001 (თანაავტ.); XX საუკუნის ფსიქოლოგიის ძირითადი მიმდინარეობები, თბ., 2004; ფსიქოლოგიის ისტორია, თბ., 2008; ფსიქოლოგიის საფუძვლები, თბ., 2005, 2011; გამოკვლევები თეორიულ ფსიქოლოგიაში, თბ., 2013; ფსიქოლოგიის ისტორია: ანტიკური ხანიდან ჩვენ დრომდე, თბ., 2014; Категория поведения в теории установки, Тб., 1991; Uznadze’s scientific body of work and problems of general psychology, «Journal of Russian and East European Psychology», 2009, vol.47.