იოანე ღვთისმეტყველის ეკლესია

იოანე ღვთისმეტყველის ეკლესია, რუსული მართლმადიდებლური ეკლესია. დგას ვერის პარკში, ლურჯი მო­ნასტრის გვერდით, სამხრ. მხა­რეს (ნ. ნიკოლაძის ქუჩის დასაწყისი). ეკლესია აიგო მრევლის მიერ შემოწირული და შეგროვებული თანხით. აშენებდნენ სამოქალაქო პირები: ინჟ. კ. ანტონოვი და მოიჯარე ლ. ბაკისოვი. ეკლესია ­აკურთხეს 1901 წ. 13 მაისს (ძვ. სტილით).

ეკლესია წარმოადგენს ძვ. რუს. არქიტ. ფორმებისა და ელე­მენტების სტილიზაციას, რ-იც მაშინდელ რუსეთში შემუშავდა. ი. ღ. ე-ში XX ს. 90-იანი წლებიდან მღვდელთ­მსახურება ქართ. ენაზეც მიმდინარეობს.

ლიტ.: ბ ე რ ი ძ ე  ვ., თბილისის ხუროთმოძღვრება. 1801–1917 წწ., ტ. 2, თბ., 1963.