ისარა

ისარა (Sagittaria), მცენარეთა გვარი ­წყლის მრავალძარღვასებრთა ოჯახისა. ­წყლის ან ჭაობის მრავალწლოვანი ბალახებია, აქვთ სამგვარი ფოთოლი: წყალში ჩაყურ­სული, მოტივტივე და საჰაერო. ერთსახლიანი ან ორსახლიანი მცენარეებია. ცნობილია 20-მდე სახეობა. უმრავლესობა გავრცელებულია ამერიკის ზომიერ და ტროპ. სარტყელში (მხოლოდ 3–4 სახეობაა ევრაზიაში).

ს ა ­ქ ა რ ­თ ვ ე ­ლ ო ­შ ი  გვხვდე­ბა 3 სახეობა. მათგან ერთი – ბრტყელფოთოლა ი. (S. platyphylla) შემოტანილია ჩრდ. ამერიკიდან. ი. იზრდება ჭაობებში, წყალსატევების ნაპირებზე, სარეველად – ბრინჯის ნათესებში. ხში­რად დიდ ფართობზე ­ქმნის შალდამებს. ზოგ სახეობას შე­მო­დგო­მაზე უვითარდება სახამებლით მდიდარი გორგლები, რ-ებიც იჭმება. ი. ­წყლის ფრინველების საკვებია. ზოგი სახეობა დეკორატიულია.