ისლისებრნი

ისლისებრნი (Cyperaceae), ერთლებნიანი მცენარეების ოჯახი. მრა­ვალწლოვანი, იშვიათად, ერთწლოვანი ბალახებია. ცნობილია 100-ზე მეტი გვარის 5500-ზე მე­ტი სახეობა, გავრცელებულია მთელ დე­და­მიწაზე, განსაკუთრებით ჩრდ. ნახევარსფეროს ზომიერი და ცი­ვი ჰავის ზონებში, უმთავრესად ტენიან და ჭაობიან სუბსტრატზე.

სა­ქართვე­ლო­ში 22 გვარის 140 სახეობაა. ზოგი სახეობისაგან ქსოვენ ჭილობებს, ქუდებსა და ჩანთებს, პაპირუსისაგან ძველთაგანვე ამზადებდნენ ქაღალდს. მრავალი სა­ხეობა ტორფწარმომქმნელია, ზო­გი – სამკურნალო და დეკორატიული.

კ. ქიმერიძე