იტალიური კალია

იტალიური კალია (Calliptamus italicus), მწერი ნამდვილი კალიების ოჯახისა. სას.-სამ. კულტურების საშიში მავნებელია. სხეული მურა ან ნაცრისფერია ყავისფერი ელფერით. ფრთები ძირში ვარდისფერია. სხეულის სიგრძე 14,5–41 მმ აღწევს.

ფართოდ არის გავრცელებული ჩრდ. აფრი­კასა და სამხრ. ევროპაში, შუა და დას. აზიაში, მონღოლეთის და ჩინეთის ჩრდ.დას-ში, კავკასიაში, გვხვდება საქარ­თვე­ლო­შიც. ავშან-მარცვლოვანი სტეპების ტიპური წარმომადგენელია. ჩრდ-ით უპირატესობას ანიჭებს ღია ადგილებს მსუბუქი ნიადაგით, ხოლო სამხრ-ით – მდინარის სანაპიროებსა და ოაზისებს. ზიანს აყენებს ბამბას, მზესუმზირას, პარკოსნებს, ბაღჩეულს, კარტოფილს და სხვა კულტურებს. ახასიათებს წელიწადში 1 გენერაცია. კვერცხი იზამთრებს ნიადაგის ზედა ფენაში. მასობრივი გამრავლების პერიოდში ი. კ. ­ქმნის ჯოგებს და იქცევა როგორც ჯოგური კალია. რიცხობრიობის დეპრესიის პერიოდში ცხოვრობს იზოლირებულად. ი. კ-ის წინააღმდეგ ბრძოლა საჭიროებს ინტეგრირებულ მიდგომას როგორც ინსექტიციდების, ასევე აგროტექნიკური ღონისძიებების გამოყენებას.

ე. აბაშიძე