იუდინი ალექსეი არკადის ძე

იუდინი ალექსეი არკადის ძე (17. III. 1904, ასტრახანი, – 1990), რუსი მსახიობი. საქართვ. სახ. არტისტი (1978).

1927-იდან თბილ. მოზარდ მაყურებელთა რუს. თეატრის მსახიობი იყო. გარკვეული წვლილი შეიტანა ამ თეატრის ჩამოყალიბებასა და განვითარებაში. 1943–47 ერევნის დრამ. თეატრის მსახიობია, 1947-იდან – ისევ თბილ. მოზარდ მაყურებელთა რუს. თეატრის მსახიობია. აქ შეასრულა შემდეგი როლები: ლენინი (მ. შატროვის „რევოლუციის სახელით"), ფრიც ბაუერი (ნ. საცის „ფრიც ბაუერი"), ფრანცი (ფ. შილერის „ყაჩაღები"), შმაგა (ა. ოსტროვსკის „უდანაშაულო დამნაშავენი"), ჟერონტი (მოლიერის „სკაპენის ოინები"), კიკილა (გ. ნახუცრი­შვი­ლის „ნაცარქექია"), ბატისტა (ლ. შტეინის „კრაზანა"), კოტია (ნ. დუმბაძის „მე ვხედავ მზეს") და სხვ.

ავტორია სიმღერებისა პიესებისთვის: ლ. გერასკინის „წითელი ყელსახვევი", გ. ნახუც­რი­შვი­ლის „კომბლე" და სხვ.