აგურსამარხი

აგურსამარხი, აგურითა და კერამიკული ფილებით ნაგები მიწისქვეშა სამარხი.

გავრცელებული იყო ძვ. სამყაროს ქვეყნებში, მ. შ. საქართველოშიც. სამთავროს სამაროვანზე კრამიტსამარხისა და ქვისსამარხის პარალელურად გვხვდება გვიანდ. ანტ. ხანის (I– III სს.) ა-ებიც. ა. ერთი მიცვალებულისთვის იყო განკუთვნილი. ა-ის გვერდები, ჩვეულებრივ, ამოშენებულია თიხის კვადრ. ფილებით (ზომა 60 სმ ×60 სმ × 5 სმ), კუთხეები გამაგრებულია ვერტიკალურად ჩადგმული ღარისებრი კრამიტით. ა-ს იატაკად ხან ბრტყელი კრამიტი უგია, ხან კერამ. ან ქვის ფილები. ქალის სამარხს კრამიტის ორფერდა სახურავი აქვს, მამაკაცისა კი გადახურულია ქვის ფილებით. მდიდრული ინვენტარი მოწმობს, რომ ა-ებში მცხეთის მოქალაქეთა შეძლებული ფენის წარმომადგენლებს კრძალავდნენ.

ლიტ.: მცხეთა, [ტ.] 1-არმაზისხევის არქეოლოგიური ძეგლები 1937-1946 წწ. განათხარის მიხედვით, თბ., 1955.

ა. კალანდაძე