ბრითათა

ბრითათა, სოფელი ჯავის მუნიციპალიტეტის ედისის თემში (შიდა ქართლის რეგიონი), ერმანის ქედის ჩრდ. კალთაზე, მდ. ერმანისწყლის (ლიახვის მარცხ. მდგენელი) მარცხ. ნაპირას. ზ. დ. 1700 მ, ჯავიდან 35 კმ.

ბ. მდებარეობს ისტ. მაღრან-დვალეთში. მატიანე „ძეგლი ერისთავთა“ (XIV ს.) სოფელს მოიხსენიებს „ბრუტასაშვილების“, ხოლო ი. გიულდენშტედტი (XVIII ს.) „ბრიტაულის“ სახელით. შუა საუკუნეებში მთელი ეს მხარე შედიოდა ქსნის საერისთავოში. ბ-ში დგას გვიანდ. შუა საუკ. ოთხკუთხა კოშკი.

ბ. ამჟამად ოკუპირებულ ტერიტორიაზეა.

ჯ. გვასალია