კვალიაშვილი მარიამ კონსტანტინეს ასული

კვალიაშვილი მარიამ კონსტანტინეს ასული (დ. 7. V. 1937, თბილისი), კომპოზიტორი. თბილისის საპატიო მოქალაქე (2009). 1961 დაამთავრა თბილ. სა­ხელმწ. კონსერვატორია (კომპოზიციის განხრით, ­ხელმძღვ. ი. ტუსკია). იმავე წლიდან დაიწყო პედ. მოღვაწეობა მესტიაში, თავდაპირველად საჯარო სკოლაში მუს. პედაგოგად, შემდეგ კი მუს. სკოლაში, რ-იც მისი ინიციატივით გაიხსნა და დღემდე ფუნქციონირებს. 1967-იდან (45 წელი) მუშაობდა თბილ. №1 სამუსიკო სკოლის პედაგოგად (თეორიული საგნები). შეადგინა ცნობილი ლოტბარისა და მომღერლის, მ. თარხნი­შვი­ლის (კ-ის ბებია) მიერ შესრულებული ხალხ. სიმღე­რების კრებული. კ. ძირითადად ვოკალური მუსიკის ჟანრში მოღვაწეობს. მისი სიმღერები გამოირჩევა განსაკუთრებუ­ლი მელო­დიურობით („ცოტა კიდევ დაიცადე, გულო", „იანვარიც მოირთვება" და სხვ.), მ. შ. სჭარბობს ლირიკული და პატრიოტული თემატიკა. სიმღერებს ­ქმნის როგორც სოლისტების, ასევე ვოკალური ანსამბლებისთვის.

კ-ის სიმღერებმა არაერთხელ გაიმარჯვა წლის საუკეთესო სიმღერების ნომინაციაში (2000, 2004, 2005, 2007). 2005 მიენიჭა პრემია „წლის საუკეთესო კომპოზიტორი", 2008 – „ქარ­თული კულტურის ამაგდარი"; 2009 დაჯილდოვდა „ქარ­თული ხელოვნების განვითარებაში შეტა­ნილი წვლილისათვის". 2009 თბილისის დიდი საკონცერტო დარბაზის წინ გაიხსნა კ-ის ვარსკვლავი. პერიოდულად ტარდება კომპოზიტორის საავტორო კონცერტები (1996, 2003, 2010), გამოშვებულია მისი სიმღერების 2 კომპაქტდისკი. დაჯილდოებულია ღირსების ორდენით (1999).

ნ. გელოვანი