თარხნიშვილი თამარ არჩილის ასული

თარხნიშვილი თამარ არჩილის ასული (15. III. 1912, თბილისი, – 14. III. 2007, იქვე), მსახიობი. სა­ქართვ. სახ. არტისტი (1966), სწავლობდა თბილ. სა­ხელმწ. კონსერვატორიაში (ფორტეპიანოს კლასი). სასცენო მოღვაწეობა დაიწყო 1938 თბილ. შოთა რუსთაველის სახ. თეატრში. შესრულებული აქვს როლები კლასიკური და თანამედროვე რეპერტუარიდან, მ. შ.: რუქაია (ა. სუმბა­თაშვილ-იუჟინის „ღალატი”), კლარიჩე (კ. გოლდონის „ორი ბატონის მსახური”), მარტინა (ფ. დიუმანუარისა და ა. დენერის „დონ სეზარ დე ბაზანი”), იოკასტე (სოფოკლეს „ოიდიპოს მეფე”), ნინო (ვ. კანდელაკის „ქარ­თლის ჩირაღდნები”), მანანა ორბელიანი (მ. მრევლი­შვი­ლის „ნიკოლოზ ბარათა­შვი­ლი”), მადამ პიჩემი (ბ. ბრეხტის „სამგროშიანი ოპერა”), ნუცა (მ. ელიოზი­შვი­ლის „ბებერი მეზურნეები”), ელისაბედი (თ. ჭილაძის „მოულოდნელი სტუმარი”), მარია ხოსეკა (ფ. გარსია ლორკას „ბერნარდა ალბას სახლი”), ბებია (გ. ფანჯიკიძის „მეშვიდე ცა”), ბანოვანი (ბ. ბრეხტის „კავკასიური ცარცის წრე”), ცირა (თ. მეტრეველის „შეშლილი, შეშლილი ახალი წელი”) და სხვ.