კანდელაკი დავით ერმალოს ძე

კანდელაკი დავით ერმალოს ძე (3.II. 1903, ქუთაისი, – 25. VI. 1960, თბილისი), კინოოპერატორი, კი­ნო­რეჟისორი. სა­ქართვ. ხელოვნ. დამს. მოღვაწე (1942). სწავლობდა თბილ. სამხედრო სკოლაში (1921–27), მუშა­ობ­და ლენინგრ. ფაბრიკაში „სოვკინო" ­ოპერატორის ასისტენტად, პარალელურად სწავლობდა კინოინ-ტში საოპერატორო ფაკ-ტზე. 1932–34 იყო კინოსტუდია „აზერკინოს" (ბაქო) ოპერატორი, 1934-იდან – თბილისის კინოსტუდიის დამდგმელი ოპერატორი. გადაიღო მხატვ­რუ­ლი ფილმები: „არშაულა" (შ. აფაქიძესთან და ვ. პოლიკევიჩთან ერთად, რეჟ. დ. რონდელი, 1936), „ფრთოსანი მღებავი" (რეჟ. ლ. ესა­კია, 1936), „ბედნიე­რი შეხვედრა" (რეჟ. ნ. სანი­შვი­ლი, 1949), „ქალი­შვი­ლი ხიდობნიდან" (რეჟ. დ. ანთაძე, 1940), „გაზაფხული საკენში" (რეჟ. ნ. სანი­შვი­ლი, 1951), „ბაშიაჩუკი" (რეჟ. ლ. ესაკია, 1955), „ოთარაანთ ქვრივი" (რეჟ. მ. ჭიაურელი, 1958), აგრეთვე რამდენიმე დოკუმენტური ფილმი. საკუთარი სცენარით როგორც რეჟისორმა გადაიღო მხატვ­რუ­ლი ფილმი "ორი ოჯახი" (1959). არის ავტორი წიგნებისა ფოტოგრაფიის და საოპერატორო ხელოვნების შესა­ხებ: „ფოტოხელოვნება" (1955), „კინოხელოვნება" (1957) და სხვ. კ-მა დიდი წვლილი შეიტანა კინოსაოპერატორო საქმის განვითარებაში.

მ. კერესელიძე