იაშვილი ვლადიმერ ვლადიმერის ძე

იაშვილი ვლადიმერ ვლადიმერის ძე [1813, კალუგა (რუსეთი), – 7. II. 1864, ვილნო (ახლანდ. ვილნიუსი)], რუსეთის იმპერიის არმიის გენერალ-მაიორი (1858). გენ.-მ. ვ. მ. ია­შვილის ­შვილი.

დაამთავრა სანქტ-პეტერბურგის მიხეილის სა­არტილერიო სასწავლებელი (1834). 1842–48 მონაწილეობდა სამხ. მოქმედებებში კავკასიაში, 1849 მი­ე­ნი­ჭა პოლკოვნიკის წოდება. იყო ჰუსართა ლაიბგვარდიის პოლკის მეთაური (1849). 1853–56 მონაწილეობდა ყირიმის ომში. 1856 და­ინიშნა ფლიგელადიუტანტად. 1858 ჩა­ირი­ცხა იმპერატორის ამალაში. 1863–64 იყო ვილნოს სამხ. გუბერნატორი.

მ. გოგიტიძე