იაშვილი ვლადიმერ მიხეილის ძე

იაშვილი ვლადიმერ მიხეილის ძე (15. VII. 1764, სანქტ-პეტერბურგი, – 20. VII. 1815, სოფ. მურომცევო, კალუგის გუბ.), რუსეთის იმპერიის არმიის გენერალ-მაიორი (1801). გენ.-მ. ვ. ვ. ია­შვილის მამა და არტილერიის გენ. ლ. მ. ია­შვილის უფროსი ძმა.

1786 დაამთავრა სანქტ-პეტერბურგის საარ­ტილერიო და საინჟ. კადეტთა კორპუსი. მონაწილეობდა რუსეთ-ოსმალეთის ომში (1787–91), იბრძოდა ბენდერის, კინბურნისა და იზმაილის ციხესიმაგრეებ­თან. 1798 მი­ე­ნი­ჭა პოლკოვნიკის წოდება. 1800 დაინიშნა მე-6 საარტ. პოლკის მეთაურად.

1801 მონაწილეობდა იმპ. პავლე I-ის მკვლელობაში; იმპ. ალექსანდრე I-ის განკარგულებით გადაასახლეს თავის მამულში (სოფ. მურომცევო, კალუგის გუბ.). 1812 რუსეთის სამამულო ომის დროს მ. კუტუზოვის ნებართვით ჩაება ფრანგების წინააღმდეგ ბრძო­ლაში, მაგრამ იმპ. ალექსანდრე I-მა იგი ­კვლავ თავის მამულში დააბრუნა.

დაჯილდოებულია ოქროს ხმლით, ოქროს ჯვრებით.

მ. გოგიტიძე