ლომთაძე ვალერი დავითის ძე

ლომთაძე ვალერი  დავითის ძე (3. IX. 1912, ირკუტსკი, რუსეთის იმპერია, – 9. VI. 1993, სანქტ-პეტერბურგი, რუსეთი), გეოლოგი. გეოლოგია-მინერალოგიის მეცნ. დოქტორი (1959), ლენინგრადის სამთო ინ-ტის პროფესორი (1961), რსფსრ მეცნ. დამს. მოღვაწე (1973).

1936  დაამთავრა ირკუტსკის სახელმწ.  უნ-ტის გეოლოგიის ფაკ-ტი, ატარებდა საინჟ.-გეოლ. მოკვლევებს სამრეწვ. და სამოქალაქო  მშენებლობისათვის. 1939–44 ხელმძღვანელობდა საინჟ.-გეოლ.  სამუშაოებს  ბაიკალის ტბის  სარკინიგზო ხაზის რეკონსტრუქციის  პროექტისათვის. განსაკუთრებით საინტერესო  იყო  მისი ნამუშევრები გვირაბებისა და სხვა ნაგებობების რთულ გეოლოგიურ პირობებში მშენებლობის თაობაზე. 1944 მუშაობა დაიწყო ლენინგრადის სამთო ინ-ტში. ნაშრომისათვის  „თიხის ქანების ფიზიკურ-მექანიკური თვისებები ლიტიფიკაციის პერიოდში“, მიენიჭა გეოლ.-მინერალოგიის მეცნ. დოქტორის წოდება. მისი ხელმძღვანელობით ჩატარებულია მნიშვნელოვანი კვლევები  ყოფ. საბჭოთა კავშირის ევროპულ ნაწილში თიხის საბადოებზე.